თსუ-ს ლექტორების ნაწილი მიქანაძესთან შეხვედრაზე უარს ამბობს

არსებული ინფორმაციით, განათლების მინისტრის პოსტზე მყოფი გივი მიქანაძე ამ წუთებში ტექნიკური უნივერსიტეტის რექტორს, დავით გურგენიძეს ხვდება.
უნივერსიტეტების გაერთიანების საკითხზე რამდენიმე საათის განმავლობაში თსუ-ს პროფესორ-მასწავლებლები ჯაბა სამუშიასთან მსჯელობდნენ. მათი ნაწილი გადაწყვეტილებას არ ეთანხმება და ამბობს, რომ ვერ მოისმინეს დასაბუთება, რა სარგებელს მოიტანს 2 სახელმწიფო უნივერსიტეტის გაერთიანება. ისინი ამ ეტაპზე მიქანაძესთან
შეხვედრაზე უარს ამბობენ. მათი პოზიციაა, რომ არგუმენტირებული პასუხები ჯერ ჯაბა სამუშიასგან უნდა მოისმინონ.
თავად სამუშია საჯაროდ არ ჩანს, თუმცა სავარაუდოდ, ის ეთანხმება უნივერსიტეტების გაერთიანების გადაწყვეტილებას. როგორც შეხვედრიდან გამოსულმა ლექტორმა, ქეთევან ხუსკივაძემ განაცხადა, თსუ-ს რექტორი დღეს მათ უმტკიცებდა, რომ სახელმწიფოს აქვს უნივერსიტეტების გაერთიანების უფლება.