ოზურგეთში პოლიციელის ცემის ფაქტზე დაკავებული ორი პირი წინასწარ პატიმრობაში გაუშვეს. მოსამართლემ გადაწყვეტილება ცოტა ხნის წინ გამოაცხადა.
საქმის მასალების მიხედვით, 29 იანვარს, ოზურგეთში მდებარე ერთ-ერთ რესტორანში, ურთიერთშელაპარაკების ნიადაგზე, ჩოხატაურის საკრებულოს თავმჯდომარემ და მასთან ერთად მყოფმა ორმა მოქალაქემ ჯგუფურად იძალადეს პოლიციელ გოგა ჯინჭარაძეზე, რომელიც ამავე რესტორანში იმყოფებოდა.
პოლიციამ თავდაპირველად ჩოხატაურის საკრებულოს უკვე ყოფილი თავმჯდომარე, დავით შარაშიძე დააკავა. მას სასამართლომ აღკვეთის ღონისძიების სახით 30 000 ლარიანი საპატიმრო გირაო შეუფარდა.