2016 წლის ამერიკის საპრეზიდენტო არჩევნებში სავარაუდო შეთქმულების გამო დონალდ ტრამპი ბარაკ ობამას დაკავებას ითხოვს.
საერთაშორისო მედია წერს, რომ აშშ-ს პრეზიდენტმა ობამა მის წინააღმდეგ ბრალდებების ფაბრიკაციაში დაადანაშაულა, რომელიც რუსეთთან თანამშრომლობას ეხებოდა. ტრამპის თქმით, პირადად ობამამ უბრძანა FBI-ს აგენტებს მის წინააღმდეგ დაზვერვის მონაცემები გაეყალბებინათ. ტრამპმა სავარაუდო ქმედებები „გადატრიალების მცდელობად“ შეაფასა და განაცხადა, რომ ობამას პასუხისმგებლობა უნდა დაეკისროს.