ჟურნალისტი სალომე ასათიანი სოციალურ ქსელში წერს:
“პუტინის პირველივე განცხადება, რომ უკრაინელი ხალხი და ერი არ არსებობს, პირდაპირ და დაუფარავად შეიცავდა გენოციდის განზომილებას. ეს იყო გენოციდური მოტივის ღიად დეკლარირება. მარიუპოლში რა ჯოჯოხეთიც დაატრიალეს დღეს, ამის გამოხატულებაა. “აღარასდროს, აღარასდროს” – იმეორებდნენ ევროპაში მეორე მსოფლიო ომის მერე, მაგრამ ამ კოშმარს ვუყურებთ დღეს. და, ცინიზმის მთლად მწვერვალი ისაა, რომ ეს ბოროტმოქმედება “ანტი-ნაცისტურ” ოპერაციადაა გამოცხადებული. “ნაცისტებს” ებრძვის დიადი რუსეთი, ხალხის მიერ დემოკრატიულად არჩეული ებრაელი პრეზიდენტის სახეში. ეს თუ გაუვათ, მართლა არანაირი კანონზომიერება და სამართალი არ არსებობს არა მხოლოდ მსოფლიოში, მთელ სამყაროში. ყველაფერი დაცინვა და ფარისევლობა გამოდის”, – წერს ასათიანი “ფეისბუქი”-ს პირად გვერდზე.