ფინეთში ჰაერის ნიმუშებში რადიოაქტიური ნივთიერებების მცირე რაოდენობა აღმოაჩინეს, თუმცა, ქვეყნის ბირთვული უსაფრთხოების მარეგულირებელი ორგანოს შეფასებით, საზოგადოებრივი ჯანმრთელობისთვის საფრთხე არ არსებობს.
“კონცენტრაციები ძალიან დაბალი იყო და არ წარმოადგენდა საფრთხეს ადამიანებისა და გარემოსთვის”. – წერია რადიაციული და ბირთვული უსაფრთხოების ორგანოს (STUK) გავრცელებულ განცხადებაში.
განცხადების თანახმად, რადიოაქტიური ნივთიერებები ფინეთის ატომური ელექტროსადგურებიდან არ წარმოშობილა, თუმცა, ორგანოს არ განუმარტავს მათი გავრცელების მიზეზი.
“ხშირ შემთხვევაში, რადიოაქტიური ნივთიერებების წყაროს იდენტიფიცირება შეუძლებელია”. – აცხადებს სააგენტო.