სტუ-ს რექტორმა, დავით გურგენიძემ დღეს მედიისგან გაიგო, რომ მის ადგილას სხვა განიხილება.
ჟურნალისტის კითხვაზე, ჰქონდა თუ არა ინფორმაცია, გაერთიანებული უნივერსიტეტის ხელმძღვანელად ლევან იზორიას დანიშვნაზე, გურგენიძემ შემდეგი პასუხი გასცა:
არაფერი ინფორმაცია არ მაქვს, რა დროს ეგ არის კაცო. ჯერ მაგაზე საუბარი არ არის
“ტვ პირველმა“ ინფორმაციის გადამოწმება თავად ლევან იზორიასთანაც სცადა, თუმცა, მან ზარებზე არ გვიპასუხა.
გაერთიანებული თსუ-ისა და ტექნიკური უნივერსიტეტების ხელმძღვანელად ლევან იზორია განიხილება – ამის შესახებ ინფორმაცას EDU.ARIS.GE ავრცელებს.
ლევან იზორია გერმანიაში საქართველოს ყოფილი ელჩი და თავდაცვის ყოფილი მინისტრია. ის ამჟამად ირაკლი კობახიძის მრჩეველის პოსტს იკავებს. მრჩევლობასთან ერთად, დღემდე, ლევან იზორია საუნივერსიტეტო რეფორმის სამთავრობო კომისიის მდივანია.
ცნობისთვის, “ქართულმა ოცნების“ ხელისუფლებამ თბილისის სახელმწიფო და ტექნიკური უნივერსიტეტების გაერთიანების გადაწყვეტილება მიიღო. ამის შესახებ „ქართული ოცნების“ განათლების მინისტრმა, გივი მიქანაძემ ბრიფინგზე განაცხადა.