ბათუმში საზოგადოებრივი ტრანსპორტით მგზავრობის საფასურის გაზრდა იგეგმება – როგორც „ლელო-ძლიერი საქართველოს” წევრმა ვაჟა დარჩიამ ბრიფინგზე განაცხადა, აღნიშნული საკითხი დღეს ბათუმის საკრებულოს სხდომაზე განიხილება.
როგორც დაჩია ამბობს, “ოცნება” აპირებს ბათუმში ავტობუსებზე ტარიფის ორნახევარჯერ გაზრდას- მუნიციპალური სერვისი 30 თეთრიდან 70 თეთრი ხდება.
„ქართულ ოცნებას“ 14 წლის შემდეგ გაახსენდა მარკეტებში გაძვირებული ფასები, ის ქმნის ფასადურ კომისიებს თითქოს იმ მოტივით რომ ზრუნავს მოქალაქეების ჯიბეზე. „ქართული ოცნება”, ბიძინა ივანიშვილის მერია აპირებს, ბათუმელების ცხოვრება გააძვიროს ორნახევარჯერ, ეს ნიშნავს, რომ დღეს ბათუმის საკრებულოს სხდომაზე განიხილება საკითხი, რომლის თანახმადაც, ავტობუსებზე ტარიფის ორნახევარჯერ გაზრდა იგეგმება და 30 თეთრიდან მუნიციპალური სერვისი 70 თეთრი ხდება. არანაირი დასაბუთება არანაირი კვლევა, არანაირი ახსნა იმისა, თუ რატომ ხდება. თითქოს საუბარია იმაზე, რომ ავტოპარკი განახლდა, ავტოპარკის განახლება ნიშნავს , რომ მეტი სერვისი მიეწოდება ბათუმელებს, ჩვენ უნდა გვწყინდეს თითქოს ეს, გამომდინარე იქიდან, რომ ამ ახსნით, ეს მომსახურება „ქართულმა ოცნებამ“ გააძვიროს. ჩვენ ვხედავთ, რომ „ქართული ოცნების” და ბიძინა ივანიშვილის მთავარი ამოცანაა, ქართველების გაღარიბება და არა მათ ჯიბეებზე ზრუნვა”- აცხადებს ვაჟა დარჩია