“ტვ პირველის” ინფორმაციით ჩოხატაურის მოქმედი ვიცე-მერის, ბიძინა [ბუკა] ცინცაძის საცხოვრებელ სახლში ჩატარებული სპეცოპერაციის შესახებ დამატებითი დეტალები ხდება ცნობილი.
წყაროს მიერ მოწოდებული ინფორმაციის თანახმად, პოლიციას ეჭვი ჰქონდა, რომ შინაგან საქმეთა სამინისტროს თანამშრომლის გოგა ჯინჭარაძის ცემაში მონაწილე პირი, სწორედ ცინცაძეების სახლში იმალებოდა.
რაც შეეხება ცემისთვის ძებნილ პირს, ის სანდო წყაროს ცნობით, ე.წ. კანონიერი ქურდის, კახა ჩხიკვაძის შვილი ლუკა ჩხიკვაძეა, რომელიც საბოლოოდ “ოცნების” მაღალჩინოსანის სახლში არ აღმოჩნდა, თუმცა პოლიციამ იპოვა იარაღები, რომლის ფლობის ფაქტზე, “ტვ პირველის” ინფორმაციით, ბიძინა [ბუკა] ცინცაძის მამა, გია ცინცაძე დააკავეს.
ცნობისთვის, პოლიციელზე ჯგუფური ძალადობის ბრალდები ჩოხატაურის საკრებულოს მოქმედი თავმჯდომარე, დავით შარაშიძე დააკავეს. პოლიცია ეძებს ჩხუბში მონაწილე კიდევ ორ პირს.