უკრაინაში მოღვაწე ქართველი სასულიერო პირი მამა ნექტარიოს მჭედლიძე სოციალურ ქსელში გავრცელებულ ინფორმაციას ეხმაურება, რომლის თანახმად, ქალაქ ხარკოვში 50 ბავშვია გასაშვილებელი.
როგორც სასულიერო პირი წერს, უკრაინის კანონმდებლობით, აკრძალულია ბავშვის სხვა ქვეყნის მოქალაქეზე გაშვილება.
“მეგობრებო,”ფეისბუქზე” გავრცელდა ქართველი ადამიანის სტატუსი თითქოს უკრაინაში, ქალაქ ხარკოვში 50 ბავშვია გასაშვილებელი და მსურველებს თურმე აფიქსირებს საქართველოდან.
უკრაინის კანონმდებლობით აკრძალულია სხვა ქვეყნის მოქალაქეზე გაშვილება, ეს არის სიგიჟე, უბრალოდ ფაქტი არც ხდება ხარკოვში 50 ბავშვი იყოს უპატრონოდ, არ შეხვიდეთ შეცდომაში, ჯერ უკრაინელი ერი არ აპატიებს, რომ ვინმემ გაბედოს ომში ბავშვები გააშვილონ”, – წერს მამა ნექტარიოს მჭედლიძე “ფეისბუქი”-ს პირად გვერდზე.