გივი თარგამაძე ციხიდან განთავისუფლების შემდეგ პირველ კომენტარს აკეთებს – “გული მეთანაღრება იმაზე, რომ მე გამოვედი და ამდენი ხალხი რჩება საპატიმროში. ნამდვილად ბედნიერი ვიქნებოდი მე რომ ბოლო გამოვდიოდე და ყველა გამოსული იყოს, მაგრამ, სამწუხაროდ, ჩვენ ვერ ვწყვეტთ ამას. ჯანმრთელობას ვუსურვებ იმ ხალხს. მხნეობა და გამძლეობა რამხელა აქვთ, დიდი ხანია დაამტკიცეს. ცოტა ორიგინალური გარემოში მიმიწა ჯდომა. ჩემს ქვემოთ იჯდა ადამიანი, რომელიც სასჯელს იხდის ჩემი მკვლელობის მცდელობისთვის, ანუ ამაფეთქა, სადღაც გვერდზე იჯდა ადამიანი, რომელიც ამ აფეთქების საქმის ბლოკირებას აკეთებდა სუსიდან თავის დროზე, მერე შემოგვიერთდნენ რომეო მიქაუტაძე, გრიგოლ ლილუაშვილი და საბოლოო ჯამში მეზობელმაც [ღარიბაშვილი] ვერ მოითმინა და შემომივიდოდა აქაც.” – ამბობს 7-თვიანი პატიმრობის შემდეგ გათავისუფლებული გივი თარგამაძე ჟურნალისტებთან
ცნობითვის გივი თარგამაძემ რუსთავის მე-12 პენიტენციური დაწესებულება რამდენიმე წუთის წინ დატოვა. წულუკიანის კომისიაზე გამოუცხადებლობის გამო მას 7-თვიანი პატიმრობა 27 ივნისს მიუსაჯეს. თარგამაძეს ასევე აეკრძალა თანამდებობის დაკავება 2 წლის ვადით. ის ვაკე-საბურთალოს პოლიციის განყოფილებაში საკუთარი ფეხით მას შემდეგ მივიდა, რაც მის მიმართ სასამართლომ თავისუფლების აღკვეთის შესახებ გადაწყვეტილება მიიღო.