აშშ-ს მრავალი შტატი ისტორიულ სუსხიან შტორმს ებრძვის. ტეხასიდან ჩრდილო-აღმოსავლეთით, 2000 კილომეტრზე მეტ მანძილზე თოვლსა და სეტყვას ელიან, რადგან ზამთრის შტორმი პიკს აღწევს.
ქვეყნის 18 შტატში საგანგებო მდგომარეობაა გამოცხადებული.
„სიენენის“ ცნობით, ყინულის საფარმა მოიცვა ტერიტორია ტეხასიდან უკიდურეს ჩრდილოეთით, მაინისა და ნიუ ჰემფშირის შტატებამდე. რეკორდული ყინვის გამო, წვიმის სახით მოსული ნალექი გრუნტთან შეხებისთანავე ყინულის საფარად იქცევა. ვითარებას კიდევ უფრო ამძიმებს ძლიერი ქარი.
სტიქიამ ამ დროისთვის უკვე გამოიწვია 15 000-მდე ავიარეისის გაუქმება. სინოპტიკოსები ნულ გრადუსს ქვემოთ ტემპერატურას მომდევნო კვირის განმავლობაშიც პროგნოზირებენ.