შსს-ს ცნობით, თბილისსა და ბათუმში, სპეციალური საიმიგრაციო კონტროლის ღონისძიებების შედეგად, უცხო ქვეყნის 38 მოქალაქე დააკავეს და ახლა მათი ქვეყნიდან გაძევების მიზნით შესაბამისი პროცედურები მიმდინარეობს.
“კომპლექსური ღონისძიებების შედეგად, დაკავებულია უცხო ქვეყნის 38 მოქალაქე, მათ შორის: ჩინეთის, ინდოეთის, თურქეთის, ნეპალის, პაკისტანის, კოტ-დივუარის, სუდანის, ნიგერიისა და ორდანიის მოქალაქეები.
ღონისძიებების ფარგლებში, დეპარტამენტის თანამშრომლების მიერ გადამოწმდა კონკრეტული ლოკაციები, რაც მიზნად ისახავდა საქართველოში კანონიერი საფუძვლის გარეშე მყოფი უცხო ქვეყნის მოქალაქეთა გამოვლენას. დადგინდა, რომ დაკავებული პირები ქვეყანაში იმყოფებოდნენ „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონით დადგენილ მოთხოვნათა დარღვევით”. – წერია შსს-ს განცხადებაში.
შსს-ს ინფორმაციით, დაკავებულები ამჟამად მიგრაციის დეპარტამენტის დროებითი განთავსების ცენტრში არიან მოთავსებული.