საქართველოში, ბოლო დღეებია რაც არამდგრადი ამინდებია. უნდა ველოდოთ თუ არა გამოდარებას ამასთან დაკავშირებით „მეტრონომი“ გარემოს ეროვნული სააგენტოს მოკლევადიანი პროგნოზების განყოფილების უფროს დოდო გვაზავას ესაუბრა.
როგორც მან ჩვენთან საუბრისას აღნიშნა, გამოდარება როგორც ასეთი ჯერ მოსალოდნელი არ არის.
„გამოდარება როგორც ასეთი ჯერ მოსალოდნელი არ არის. 23 იანვარს დღის მეორე ნახევრიდან საქართველოს ზოგიერთ რაიონში კვლავ ველით ნალექს, რომელიც შენარჩუნდება 25 იანვრამდე. არამდგრადი ამინდის პირობები ნარჩუნდება. ყინვების გაძლიერება მოსალოდნელი არ არის, პირიქით შესუსტებისკენ მიდის. კვლავ შემოდის შავი ზღვის ჩრდილო-დასავლეთიდან ნოტიო ჰაერის მასები, მაგრამ ისეთი ცივი არ არის როგორიც იყო გასული დღეების განმავლობაში“ – აღნიშნა მან.