შეხვედრა ფასებთან დაკავშირებით – მთავრობის ადმინისტრაციაში სადისტრიბუციო კომპანიის წარმომადგენლები მივიდნენ.
შეხვედრაში მონაწილეობას მიიღებენ სუს-ის უფროსი და ფინანსთა მინისტრი, რომელთა გამომძიებლებიც გუშინ კომპანიების სათაო ოფისებში შევიდნენ და სასამართლოს განჩინების საფუძველზე, ფინანსური დოკუმენტაცია და ბაზებზე წვდომა მოითხოვეს.
სადისტრიბუციო კომპანიის წარმომადგენლებისთვის მოულოდნელი აღმოჩნდა მათ ოფისებში გამომძიებლების გამოჩენა. ისინი ამბობენ, რომ დოკუმენტაციაზე, რომელიც გამოთხოვილია სასამართლოს ძალით, კონკურენციის სააგენტოს ისედაც შეეძლო მოეთხოვა.
ისინი მზაობას გამოთქვამენ, ყველა საჭირო ინფორმაციის მიწოდება, რათაზე პრობლემატური საკითხების გადაჭრა მოხდეს.
მზად ვართ, კომისიას კიდევ ერთხელ მივაწოდოთ ყველა ის პრობლემატური საკითხი, რის წინაშეც ადგილობრივი მწარმოებელი და სადისტრიბუციო კომპანია დგას, რომელიც მნიშვნელოვან ზეგავლენას ახდენს იმ ფასწარმოქმნაში, რომელიც დღეს პრობლემად დგას მომხმარებლისთვის. ვიმედოვნებ, რომ პროცესი ისე წარიმართება, რომ არ დაზარალდეს ნებისმიერი სექტორის წარმომადგენელი, მაგრამ დადებითად აისახება წარმოებაზე, სადისტრიბუციო კომპანიასა და რა თქმა უნდა, მომხმარებელზე საბოლოოდ. იმედს ვიტოვებთ, რომ ისევე როგორც გასულ პერიოდში, ჩვენ მივიღეთ დაწყებული პროცესები, რომლებიც შეჩერდა, ისე არ შეჩერდება და საბოლოოდ მნიშვნელოვნად დადებით როლს ითამაშებს, შეიძლება არსებითად ვერ გადაჭრას პრობლემა, მაგრამ დადებითად აისახება მომხმარებელზე, – განაცხადა დისტრიბუტორთა ასოციაციის ხელმძღვანელმა ლაშა რიჟამაძემ.
ამავე კომისიის ფარგლებში, ორშაბათს დაგეგმილია შეხვედრა მწარმოებლებთან, შემდეგ ფარმაცევტულ კომპანიებთან, ბოლოს კი შეხვედრა გაიმართება საწვავის ფასთან დაკავშირებით.