“როდესაც უყურებ რა ხდება უკრაინაში, უნდა ადგე და თქვა: შეუძლებელია, ეს არასწორია. ყველაფერი ძალიან მარტივია. საუბარი დემოკრატიაზეც კი არ არის, არამედ უბრალოდ იმაზე, თუ რა არის სწორი და რა – არა”, – ამის შესახებ ჰოლივუდის ვარსკვლავმა, ლეგენდარულმა მსახიობმა რობერტ დე ნირომ კემბრიჯის უნივერსიტეტის გაერთიანებაში, კითხვის – “რას ფიქრობს რუსეთ-უკრაინის კონფლიქტზე” პასუხად განაცხადა.
“ზუსტად არ ვიცი, როგორ მუშაობენ და რამდენად “კბენენ” სანქციები რუსეთს. მეშინია, რომ ომი გაგრძელდება და ხალხს მობეზრდება (უკრაინისთვის ყურადღების მიქცევა), უკრაინა კი იქნება დაპყრობილი, რაც არ უნდა მოხდეს. ალბათ უფრო მკაცრი პოზიციაა საჭირო. საშინელებაა, რომ ადამიანებს ბირთვული იარაღით ემუქრებიან. თუ საქმე ეხება მის გამოყენებას, საერთოდ აღარავინ დარჩება. ვერ წარმომიდგენია, რომ ჩვენი სამყარო შეიძლება ასეთად იქცეს. რაღაც უნდა გავაკეთოთ ამ აგრესიის შესაჩერებლად. დემოკრატია არის ერთადერთი გზა, რომელზეც უნდა ვიაროთ, რომ მსოფლიოს საღი აზრი შევუნარჩუნოთ”, – განაცხადა დე ნირომ.
https://mix.metronome.ge/26297-2/
2,603 ნახვა
