აშშ-მ კარიბის ზღვაში კიდევ ერთი ტანკერი დააკავა. ინფორმაციას აშშ-ს სამხრეთის სარდლობა ავრცელებს.
განცხადების მიხედვით, აშშ-ს ძალებმა “ინციდენტების გარეშე” დააკავეს ხომალდი Sagitta. ასევე აღნიშნულია, რომ “ვენესუელას დატოვებს მხოლოდ ნავთობი, რომლებიც კოორდინირებულია წესებისა და კანონის შესაბამისად”.
უკრაინის სამხედრო დაზვერვის ვებგვერდზე, War&Sanctions-ზე, წერია, რომ ტანკერი Sagitta სანქცირებული რუსული ნავთობის გადასატანადაც გამოიყენებოდა.
7 იანვარს აშშ-მ დააკავა ორი ხომალდი, მათ შორის ტანკერი Bella 1, რომელსაც ორი კვირა მისდევდნენ და დევნის დროს გემი რუსეთში გადარეგისტრირდა. ხომალდებს ბრალად ედებათ სანქციების დარღვევა. ამის შემდეგ, 9 იანვარს დააკავეს კიდევ ერთი ტანკერი, სახელად Olina. Sagitta აშშ-ს მიერ დაკავებული მეშვიდე ხომალდია. დაკავებული ხომალდები არღვევდნენ სანქციებს, მათი ნაწილი რუსეთის ე.წ. ჩრდილოვანი ფლოტის ნავთობმზიდი ტანკერები იყო.