“შეწყალებას ითხოვდნენ პრეზიდენტისგან, რომელსაც, მათივე თქმით, არ აღიარებენ” – ნინო წილოსანი

შეწყალებას ითხოვდნენ პრეზიდენტისგან, რომელსაც, მათივე თქმით, არ აღიარებენ, – ამის შესახებ ნინო წილოსანმა განაცხადა.

“ბოლო ერთი წლის განმავლობაში პრეზიდენტმა ყაველაშვილმა 4-5 მოწყალების აქტი გამოსცა და სადღაც 1000-მდე ადამიანი ჰყავს შეწყალებული და არცერთ ჯერზე არ გვინახავს ამ პატიმრების და მათი ოჯახის წევრების მხრიდან ასეთი კამპანიური ხასიათის მოთხოვნა შეწყალებასთან დაკავშირებით. მეტიც, როცა მათ შეწყალებაზე ისმოდა საკითხი, ვხედავდით როგორი აგრესიულები იყვნენ მათი ოჯახის წევრები და პირიქით ციხიდან აქვეყნებდნენ წერილებს, რომ მათ შეწყალება არ სჭირდებათ. რას უკავშირდებოდა ნათლისღებას ეს აგორებული კამპანია – ერთია, რომ გადაეწურათ იმედები, რომ საკუთარი პატრონები გამოიხსნიან დამნაშავეებს და მეორე – ეს იყო კარგად დაგეგმილი მედია კამპანია, რომელსაც ადამიანებში ამ პატიმრების მიმართ სიბრალული უნდა გამოეწვია. ესენი არიან ადამიანები, რომლებიც არცერთ ჯერზე არ აღიარებენ ბრალს და არ ვართ გადაზღვეული საზოგადოება, რომ მათი გამოსვლის შემდგომაც ნაკლებად რადიკალურები გახდებიან” – განაცხადა წილოსანმა.