“რაც არ უნდა საწყენი იყოს შენთვის…” – კვესიტაძე წულუკიანს

ტელეწამყვანი ეკა კვესიტაძე სოციალური ქსელის მეშვეობით კულტურის მინიტრ თეა წულუკიანს მიმართავს:

“რაც არ უნდა საწყენი იყოს შენთვის, პატარა თეა, შენ “ც” ხარ, ივანიშვილის პატარა ც”, – წერს კვესიტაძე “ფეისბუქი”-ს პირად გვერდზე.

ცნობისთვის, კულტურის მინისტრმა, თეა წულუკიანმა ჟურნალისტის კითხვაზე, – იზიარებს თუ არა პრემიერ-მინისტრის შეხედულებებს რუსეთის მიმართ სანქციებთან დაკავშირებით – უპასუხა:

“რაღაცა ძალიან ცუდადა ახსენებთ ამ ც-ს. რას ნიშნავს მე-ც? მე ვარ ამ მთავრობის წევრი, მე ვარ ამ პრემიერ-მინისტრის მიერ დანიშნული, ამ მთავრობაში ვიცე-პრემიერი და, რა თქმა უნდა, მე არ ვარ “ც”. მე ზუსტად იმას ვფიქრობ, რასაც აჟღერებს საქართველოს პრემიერ-მინისტრი.

საქართველოს პრემიერ-მინისტრი ამბობს მარტივ რამეს, რომ ის მასშტაბი ომი, რაც გაიშალა ჩვენს კონტინენტზე, კერძოდ უკრაინაში, ამის გაჩერება საეჭვოა შეეძლოს იმ სანქციებს, რომლებიც ამუშავდა”, – უპასუხა წულუკიანმა ჟურნალისტს.