უკრაინის პრეზიდენტის განცხადებით, 20 იანვრის ღამეს რუსეთის კომბინირებული შეტევის მოგერიება უკრაინას მინიმუმ 80 მილიონი ევრო დაუჯდა. მისი თქმით, უკრაინის საჰაერო თავდაცვას არ ჰქონდა ნაკლები რაკეტები, მაგრამ მტერს მეტი ჰქონდა.
“რუსეთი გაცილებით მეტ ბალისტიკურ საშუალებებს იყენებს და ისინი კომპონენტს, სამწუხაროდ, პარტნიორი ქვეყნების კერძო სექტორიდან იღებენ. ჩვენ უნდა შევამციროთ მათი შესაძლებლობები ამ რაკეტების წარმოებისთვის. და ეს ჯერ არ ხდება. ამიტომ, ჩვენ გვჭირდება მეტი რაკეტა, მეტი საჰაერო თავდაცვა“ – აღნიშნა ზელენსკიმ.
მისი თქმით, მხოლოდ Patriot-ის სისტემებს შეუძლიათ ბალისტიკურ საშუალებებთან გამკლავება -“გასაღები [Patriot სისტემები] მხოლოდ ამერიკის შეერთებული შტატების ხელშია“.
20 იანვრის ღამეს, რუსეთის საოკუპაციო ძალებმა უკრაინაზე მასშტაბური კომბინირებული საჰაერო იერიშები მიიტანეს 372 დრონით, ბალისტიკური და ფრთოსანი რაკეტებით.
საჰაერო თავდაცვამ მტრის 342 სამიზნე გაანეიტრალა. 11 ლოკაციაზე დაფიქსირდა 5 რაკეტითა და 24 მოიერიშე დრონით თავდასხმა.
ვოლოდიმირ ზელენსკი განცხადებას ავრცელებს
