ლეგენდარული ბრაზილიელი ფეხბურთელი ედსონ არანტეს დუ ნასიმენტუ, რომელსაც მთელი მსოფლიო პელეს მეტსახლით იცნობს, უკრაინაში მიმდინარე საომარ ვითარებას, რუსულ აგრესიას სოციალურ ქსელში ეხმაურება და უკრაინელ ხალხს სოლიდარობას უცხადებს:
“წლები გადის, მაგრამ ცოტა რამ შეიცვალა ჩემი ბავშვობის მერე. გადატანილ ტრაგედიებს უნდა ესწავლებინა ჩვენთვის, უფრო მშვიდობიანი სამყარო უნდა გვეშენებინა. ვუცხადებ სოლიდარობას უკრაინელ ხალხს. ლოცვებში ვთხოვ ღმერთს რომ მშვიდობამ, თავისუფლებამ და სიყვარულმა გაიმარჯვოს”, – წერს პელე ტვიტერზე.
პუტინმა უკრაინაში ომი 24 თებერვალს, გამთენიისას დაიწყო, რომელსაც თავად სპეციალურ “სამხედრო ოპერაციას” უწოდებს.