ეკა კუპატაძე აცხადებს, რომ საქმის ყველა ტომს გაეცნო და უზუსტობები აღმოაჩინა, ასევე ცხადია, რომ საქმის დაფარვაში არასრულწლოვნებს ოჯახის წევრებიც ეხმარებინ.

“იტყუება იმ არასრულწლოვანის დედა. ის ამბობს, რომ 117-ე მუხლის მესამე, მას ექნება 18-ით 117-ს მესამე, რაც იმას ნიშნავს, რომ [მისი შვილი] მომზადებაში იღებდა მონაწილეობას და არა აღსრულებაში. ათივე ტომი ვნახეო. ათივე ტომი თუ ნახა რას ათვალიერებდა, ჩემი გიგას გვამით ტკბებოდა? არ ვიცი რამდენ ხანს ვიყავი თემქაზე. მკვლელ ა.გ-ს უწერია სამი საათი “ვუსეტკავეო”, აი რისთვის წამოჰყვა მეგობარს სამი საათი საბირჟაოდ? ახალი ბირჟა ნახეს? ქუჩაში ვიყავითო და ქუჩაში არ იყვნენ. აგერ იყვნენ ჩემი კორპუსის წინ, საიდანაც მერე ქვა აიღო მკვლელმა იმ გრძელ სკამზე. გადაიღეს ვიდეო, ეს ვიდეო ჩაუგდეს ა.ნ.-ს.

მეოთხე ტომი ნახე, კარგად დაათვალიერე. იქ წერია, რომ სამივე ბიჭი ერთად ა.გ-ც, გ.რ-ც და დ.ჩ-ც მიდის გ.რ.-ს მამასთან, გურამ რიკაძესთან. გურამ რიკაძე ეს არის წარსულში ნასამართლევი. ჩამოვიდა სპეციალურად 8 ოქტომბერს საქართველოში ამისთვის, 2019 წლიდან წასულია და ის არიგებს, როგორ უნდა მოიქცნენ, სად რა უნდა თქვან. პროკურატურამ აღიარა წინა ბრალის აბსურდულობა, რასაც მე საჯაროდ ვყვიროდი” – ამბობს TV პირველთან მოკლული მასწავლებლის, გიგა ავალიანის დედა, ეკა კუპატაძე.

ეკა კუპატაძემ სოციალურ ქსელში გამოეხმაურა ერთ-ერთი დაკავებული არასრულწლოვნავის დედის განცხადებას, რომელიც ბრალის დამძიმებაზე საუბრობდა და 17 იანვრიდან შიმშილობას აანონსებდა.

“შეგაკვდები გიორგი გვარაკიძე, მაგრამ არ დაგითმობ ჩემს უდანაშაულო შვილს, საკუთარ სკამს რომ ზვარაკად შესწირო” – დაწერა მოკლული მასწავლებლის, გიგა ავალიანის საქმეზე დაკავებული ერთ-ერთი არასრულწლოვანის დედამ, სოფო ძნელაძემ, მას შემდეგ, რაც ცნობილი გახდა, რომ პროკურატურამ შეუტყობინებლობის ბრალდებით დაკავებულ ორ არასრულწლოვანს ბრალი დაუმძიმა. ძნელაძე ამბობს, რომ მისი შვილი ინციდენტში არ მონაწილეობდა.

“ჩემი შვილისთვის ბრალის წარდგენით [გვარაკიძე] ცდილობს ამ თემის ჩაფარცხვას” – წერს ის სოციალურ ქსელში. ბრალდებულის დედამ 17 იანვრიდან შიმშილობის დაწყება დააანონსა, თუ უწყება მტკიცებულებებს არ წარადგენს.

კატეგორიები

ბოლო ამბები