ჟურნალისტის ვახო სანაია სოციალურ ქსელში წერს:
“ეს საყურადღებო ინფორმაციაა!
ოკუპირებული ცხინვალის მარიონეტი პრეზიდენტი ანატოლი ბიბილოვი აცხადებს, რომ მზად არიან “უპასუხონ ყველა პროვოკაციას, რომელიც შეიძლება საქართველოს მხრიდან იყოს”.
ამასთან, Эхо Кавказа-ს ცნობით, ოკუპირებულ ცხინვალში მარიონეტული რეჟიმის ე.წ. უსაფრთხოების საბჭო გაფართოებულ ფორმატში შეიკრიბა”, – წერს სანაია “ფეისბუქი”-ს პირად გვერდზე.
ოკუპირებულ ცხინვალში ე.წ. სამხრეთ ოსეთის უშიშროების საბჭოს საგანგებო სხდომა გაიმართა. როგორც Эхо Кавказа წერს, სხდომაზე ე.წ. სამხრეთ ოსეთის თვითგამოცხადებულმა “ლიდერმა”, ანატოლი ბიბილოვმა ოპერატიული შტაბის შექმნის შესახებ განაცხადა, რომლის მიზანიც “ყველა იმ პროვოკაციაზე რეაგირებისთვის მზადყოფნის უზრუნველყოფაა, რომელიც შეიძლება, საქართველოს მხრიდან იყოს მოსალოდნელი”.
“პრეზიდენტმა ვლადიმერ პუტინმა მკაფიოდ ჩამოაყალიბა ის პრიორიტეტები, რომლებიც რუსეთის ფედერაციას აქვს. რუსეთის ფედერაციის უსაბრთხოების უზრუნველყოფის მიზნით, დონეცკის სახალხო რესპბუბლიკის და ლუგანსკის სახალხო რესპუბლიკის მოსახლეობის უსაბრთხოების უზრუნველსაყოფად მიღებულ იქნა სპეციალური ოპერაციის ჩატარების გადაწყვეტილება. ამასთან დაკავშირებით, ვლადიმირ ვლადიმიროვიჩ პუტინმა აღნიშნა, რომ არიან ქვეყნები, რომლებიც შესაძლოა, ჩაერთონ ამ პროცესებში, ვგულისხმობ გარე ძალებს. ჩვენ უნდა გვესმოდეს, რომ გარე ძალებს მიეკუთვნება საქართველო”, – აცხადებს ბიბილოვი.
შეგახსენებთ, რუსეთმა ე.წ. დონეცკისა და ლუგანსკის სახალხო რესპუბლიკების დამოუკიდებლობა აღიარა. დღეს გამთენიისას კი უკრაინაში სრულმასშტაბიანი ომი წამოიწყო.
673 ნახვა
