“გრენლანდიასთან დაკავშირებით ამერიკასთან ფუნდამენტური უთანხმოება არსებობს…” – ამის შესახებ BBC-თან დანიის საგარეო საქმეთა მინისტრმა ლარს ლოკე რასმუსენმა თეთრ სახლში გამართული მოლაპარაკებების შემდეგ განაცხადა.
“გრენლანდიასთან დაკავშირებით ამერიკასთან ფუნდამენტური უთანხმოება არსებობს… ვიცე-პრეზიდენტ ჯეიდი ვენსთან და სახელმწიფო მდივან მარკო რუბიოსთან შეხვედრა გულწრფელი, მაგრამ კონსტრუქციული იყო. აშშ-ის პრეზიდენტი ტრამპი დაჟინებით მოითხოვს გრენლანდიის დაპყრობას, რაც აბსოლუტურად მიუღებელია. ჩვენ ძალიან, ძალიან ნათლად განვაცხადეთ, რომ ეს [დანიის] ინტერესებში არ შედის” – თქვა BBC-თან დანიის საგარეო საქმეთა მინისტრმა ლარს ლოკე რასმუსენმა თეთრ სახლში გამართული მოლაპარაკებების შემდეგ
რასმუსენმა განაცხადა, რომ არსებობს „წითელი ხაზები“, რომელთა გადალახვაც აშშ-ს არ შეუძლია და სამუშაო ჯგუფი მომდევნო კვირებში შეიკრიბება კომპრომისის მოსაძებნად. მან აღნიშნა, რომ დანია და გრენლანდია ღია არიან აშშ-ს მიერ კუნძულზე მეტი სამხედრო ბაზების გახსნის შესაძლებლობის შესახებ.
გამოცემის ცნობით, რასმუსენმა ასევე თქვა, რომ ტრამპის მოსაზრებაში არის „სიმართლის ელემენტი“, რომ უსაფრთხოება უნდა გაძლიერდეს არქტიკაში რუსეთის და ჩინეთის ინტერესების წინააღმდეგ საბრძოლველად, თუმცა, მისი თქმით, ტრამპის კომენტარები გრენლანდიის გარშემო რუსული და ჩინური სამხედრო გემების არსებობის შესახებ „სიმართლეს არ შეესაბამება“.
BBC-ის ცნობით, ოთხშაბათს გამართული მოლაპარაკებების შემდეგ, გრენლანდიის საგარეო საქმეთა მინისტრმა ვივიან მოცფელდტმა განაცხადა, რომ ტერიტორია ღიაა აშშ-სთან უფრო ფართო თანამშრომლობისთვის, მაგრამ ასევე ეწინააღმდეგება მის მიტაცებას.
BBC წერს, რომ ამ ეტაპზე გაურკვეველია, განიხილავს თუ არა დონალდ ტრამპი კუნძულის დასაკავებლად სამხედრო ძალის გამოყენებას, ოთხშაბათს ამ საკითხთთან დაკავშირებით დასმულ კითხვაზე, მან უარი თქვა, რომ ამას გამორიცხავდა. არსებული ცნობებით, სხვა ვარიანტებს შორის განიხილება ტერიტორიის შეძენა, თუმცა დანიელებმა და გრენლანდიელებმა განაცხადეს, რომ ის არ იყიდება.