ჟურნალისტი ნანუკა ჟორჟოლიანი ხელისუფლებას მოუწოდებს გააუქმოს საქართველოში დაგეგმილი რაგბის მატჩი.
“გაუქმდეს რუსებთან რაგბის მატჩი.
საქართველოს მთავრობა, გონს მოეგეთ!”, – წერს ჟორჟოლიანი “ფეისბუქი”-ს პირად გვერდზე.
რუსეთ-საქართველოს ნაკრებებს შორის რაგბი ევროპის ჩემპიონატის მესამე ტურის შეხვედრა 27 თებერვალს თბილისში, “დინამო არენაზე” უნდა გაიმართოს.
დღეს, 24 თებერვალს, გამთენიისას, რუსეთის პრეზიდენტმა მიიღო გადაწყვეტილება დონბასში “სპეციალური სამხედრო ოპერაციის” ჩატარების შესახებ. როგორც პუტინმა განაცხადა, ოპერაციის მიზანია ადამიანების დაცვაა, რომლებიც 8 წლის განმავლობაში განიცდიან “გენოციდს კიევის რეჟიმის მხრიდან”. უკრაინის ტერიტორიაზე სამხედრო ოპერაციის დაწყებამდე, 21 თებერვალს, რუსეთის პრეზიდენტმა პუტინმა აღიარა ლუგანსკის და დონეცკის ე.წ. სახალხო რესპუბლიკების “დამოუკიდებლობა”.
უკრაინის რამდენიმე ქალაქში აფეთქებების ხმა ისმის. ვოლოდიმირ ზელენსკიმ უკრაინაში საომარი მდგომარეობა გამოაცხადა.
კომენტარები
0 კომენტარები
