“მაშინ რამ გააჩერათ და თბილისში რატომ არ შემოვიდნენ?” – კვესიტაძე

ტელეწამყვანი ეკა კვესიტაძე სოციალურ ქსელში რუსეთის მიერ უკრაინის წინააღმდეგ წამოწყებულ ომს ეხმაურება:

“მაშინ რამ გააჩერათ და თბილისში რატომ არ შემოვიდნენ, მე ეგ მიკვირს”, – წერს კვესიტაძე “ფეისბუქი”-ს პირად გვერდზე, რაზეც ჟურნალისტი თეა ადეიშვილი პოსტის კომენტარებში პასუხობს: – “მე როგორც ვიცი ფრანგი ჟურნალისტებისგან დედაქალქისთვის უნდა დაერტყათ, იმ დღეს ევროპის 5 პრეზიდენტი იდგა თბილისის ცენტრალურ მოედანზე, მერე კონდოლიზა ჩამოვიდა და ასე გადავრჩით, ყველა ობიექტი ცნობილი იყო რაც უნდა დაებომბათ”.

უკრაინის პრეზიდენტმა ვოლოდიმირ ზელენსკიმ მოქალაქეებისადმი ვიდეომიმართვაში, რომელიც “ფეისბუქი”-ს პირად გვერდზე გავრცელდა, განაცხადა,რომ ქვეყანაში საომარი მდგომარეობა ცხადდება.

მისი თქმით, ეს გადაწყვეტილება მოჰყვა რუსეთის პრეზიდენტის, ვლადიმირ პუტინის მიერ დონბასში წამოწყებულ სპეციალურ სამხედრო ოპერაციას, რომლის ფარგლებშიც ცეცხლი გახსნეს თავდაცვის ობიექტების და მესაზღვრეების მისამართით.

“უკრაინის ბევრ ქალაქში ისმოდა აფეთქებების ხმა. ჩვენ ვაცხადებთ საომარ მდგომარეობას უკრაინის მთელ ტერიტორიაზე”, – განაცხადა ზელენსკიმ და დასძინა, რომ ვიდეომიმართვამდე ერთი წუთით ადრე აშშ-ის პრეზიდენტ, ჯო ბაიდენს ესაუბრა და მისგან მოისმინა, რომ საერთაშორისო მხარდაჭერას ამზადებენ.

პრეზიდენტმა ზელენსკიმ სიმშვიდისა და გამძლეობისკენ მოუწოდა მოქალაქეებს. ურჩია დარჩნენ სახლებში, არ აჰყვნენ პანიკას, ვინაიდან მუშაობს უსაფრთხოებისა და თავდაცვის სექტორი, მუშაობს მინისტრთა კაბინეტი.