სკოლის მანდატურების ხელფასი 300-ლარით იზრდება – ამის შესახებ გადაწყვეტილება საკანონმდებლო მაცნეზე უკვე გამოქვეყნდა.
როგორც დოკუმენტში ვკითხულობთ, მანდატურების თვიური ანაზღაურება 1 400 ლარის ნაცვლად, 1 700 ლარით განისაზღვრა.
როგორც საქართველოს განათლების, მეცნიერებისა და ახალგაზრდობის მინისტრის 2026 წლის 13 იანვრის ბრძანებაშია აღნიშნული, ხელფასის მატება შეეხებათ როგორც საჯარო, ასევე კერძო ზოგადსაგანმანათლებლო დაწესებულებებში დასაქმებულებს.
ბრძანება ანაზღაურების ზრდის შესახებ ძალაში გამოქვეყნებისთნავე შევიდა.
ცნობისთვის, ახალი წლიდან ხელფასები გაეზარდა საჯარო სკოლებში დასაქმებულ სხვა პერსონალსაც. 2026 წლის ბიუჯეტით, ხელფასები 10%-ით გაეზარდა საჯარო სამსახურში დასაქმებულ ყველა პირს, მათ შორის, სკოლის მასწავლებლებსაც.