მის მიმართ მოპყრობა ნორმალურია, ისეთი, როგორიც სხვა ნებისმიერ მსჯავრდებულთან მიმართებით – ამის შესახებ ყოფილი პრემიერ-მინისტრის ირაკლი ღარიბაშვილის ადვოკატი, ამირან გიგუაშვილი აცხადებს.
“ირაკლი ღარიბაშვილს შევხვდი და არის მხნედ. რაიმე კონკრეტული მესიჯი საზოგადოების მიმართ არ დაუბარებია. მიმდინარე საკითხებზე ვისაუბრეთ, სტანდარტულ პროცედურებზე, რომელსაც სასჯელაღსრულების დაწესებულებაში შესახლებული პატიმრები გადიან. მის მიმართ მოპყრობა არის ნორმალური. ისეთი, როგორიც სხვა ნებისმიერ მსჯავრდებულთან მიმართებით. ეს იყო ჩვენი შეხვედრის მიზანი – დავრწმუნებულიყავით ადვოკატები, რომ მისი უფლებები დაცულია და თავს ნორმალურად გრძნობს. სამარტოო საკანში იმყოფება. შესაბამისად, არის სტანდარტული სიტუაცია” – ამის შესახებ ადვოკატმა რუსთავის ციხეში ირაკლი ღარიბაშვილის მონახულების შემდეგ „ინტერპრესნიუსს“ განუცხადა.