თბილისში კაცი დაჭრეს – შსს- ინფორმაციით, სისხლიანი ანგარიშსწორება ურთიერთშელაპარაკების ნიადაგზე მოხდა, რა დროსაც 47 წლის კაცმა 36 წლის პირს დაზიანებები მიაყენა და ადგილიდან მიიმალა.
“შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს მეორე სამმართველოს თანამშრომლებმა, ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით წარსულში ნასამართლევი, 1978 წელს დაბადებული ლ.ბ. დააკავეს.
გამოძიებით დადგინდა, რომ ბრალდებულმა ურთიერთშელაპარაკების ნიადაგზე, 1989 წელს დაბადებული გ.ა. დაჭრა და შემთხვევის ადგილიდან მიიმალა.
დაჭრილი გ.ა. სამედიცინო დახმარების გაწევის მიზნით კლინიკაში გადაიყვანეს.
სამართალდამცველებმა ჩატარებული საგამოძიებო მოქმედებების შედეგად ლ.ბ. დანაშაულის ჩადენიდან მალევე, ბრალდებულის სახით დააკავეს.
გამოძიება საქართველოს სისხლის სამართლის კოდექსის 118-ე და 236-ე მუხლებით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.” – წერს შსს.