ტრამპმა The New York Times-თან ინტერვიუში განაცხადა „მტკიცედ მჯერა, რომ ისინი აღარ შეიჭრებიან ქვეყანაში, წინააღმდეგ შემთხვევაში ამას არ დავთანხმდებოდი“.
,,უკრაინის პრეზიდენტი ვოლოდიმირ ზელენსკი ომის დასრულების მოლაპარაკებების ფარგლებში დასავლელი პარტნიორებისგან, განსაკუთრებით შეერთებული შტატებისგან, უსაფრთხოების მკაფიო გარანტიებს ითხოვს. კიევს სურს, რომ მისმა მოკავშირეებმა აიღონ ვალდებულება, დაეხმარონ უკრაინას სამშვიდობო შეთანხმების დადების შემდეგ რუსეთის მზრიდან ხელახალი შეჭრის შემთხვევაში.”- აღნიშნულია სტატიაში.
გამოცემის ცნობით, ტრამპის კომენტარები მისი მხრიდან ყველაზე მკაფიო სიგნალი იყო იმისა, რომ მან მხარი დაუჭირა ასეთ ვალდებულებებს – სულ მცირე, მოკავშირეების მხარდაჭერის კონტექსტში. ამავდროულად, აშშ-ის პრეზიდენტის კომენტარებმა კიდევ ერთხელ დაადასტურა, რომ ის დარწმუნებულია, რომ რუსეთის პრეზიდენტ ვლადიმერ პუტინს მშვიდობა სურს.
„ვფიქრობ, მას შეთანხმების დადება სურს, მაგრამ მე ამაზე ვფიქრობდი, დიდხანს ვფიქრობდი“- განაცხადა აშშ-ის პრეზიდენტმა.
რუსეთის მხრიდან ახალი თავდასხმის შემთხვევაში უკრაინისთვის სამხედრო მხარდაჭერის უზრუნველყოფის შესაძლო სამშვიდობო შეთანხმების კომენტირებისას, ტრამპმა ხაზგასმით აღნიშნა, რომ შეერთებული შტატები ამაში წამყვან როლს არ ითამაშებს.