დიზაინერსა და “მისტერ ვალენტინის” ერთ-ერთ ორგანიზატორს გოირგი მასხულის სცემეს. ინფორმაციას სოციალურ ქსელში თავად მასხულია ავრცელებს. მისი თქმით, ერთ-ერთ კლუბთან მას სამი პირი თავს დაესხმა და სასტიკად გაუსწორდა.
გიორგი მასხულია დაზიანებებით “ჰელსიკორის” კლინიკაშია გადაყვანილი.
დიზაინერი ძალადობას ლევან კვარაცხელიასთან (რობერტო მავანი) აკავშირებს. თავის მხრივ რობერტო მავანი ფაქტთან კავშირს კატეგორიულად უარყოფს და ირონიულად აღნიშნავს: – “კი აი, ზონდერ ბრიგადები გვყავს”.
“”თქვენგან მაინტერესებს, თქვენ თუ გჯერათ, რომ მე რამე კავშირში შეიძლება ვიყო მაგ ამბავთან? მე საერთოდ არაფერი ვიცი. ეგეთი საქციელი არ მჩვევია. ტიპი იძახის, რომ ეს მავანის გაკეთებულიაო. შეიძლება, რაღაც პროვოკაციაა, არ გამოვრიცხავ. ჩემი აზრი უფრო ისაა, რომ სიტუაციის გამოყენებაა. პატარა ბავშვიც მიხვდება, რომ ფაქტს იყენებს. ამის დამადასტურებელი ფაქტები არსებობს. ვიდეოს შემოგთავაზებთ, შეიძლება ვინმემ დაიჯეროს, რომ მართლა ასეა. მინდა, რომ ეს ფაქტი პოლიციამ დეტალურად გამოიძიოს.
მიუხედევად ყველაფრისა, არ გეგონოთ, ადამიანი რომ ნაცემია, ცუდად არის, მე ეს მიხარია, პირიქით, “გამიტყდა” ეგრე რომ სცემეს. ვინც არ უნდა იყოს ადამიანია და ცოდოა, მართლა არ გამხარებია. თავიდან რომ გაავრცელა ვიდეო შემეცოდა და მერე უკვე აღარ, როცა ეს ბრალდება სადღაც 1 საათში მოაფიქრდა, 8 წლის ბავშვის თემაა რა… ძალიან პატარა ბავშვის ტყუილიც კი არ არის ეს…
ახლავე შემიძლია, რომ მაგის საქმე ცუდად წავიდეს (სამართლებრივად), უბრალოდ არ მინდა რა, მაგრამ არ ისვენებს ტიპი… თავად მისი მხრიდან მედიის წარმომადგენლების მიმართ ძალადობის ფაქტებზე შესაბამისი რეაგირება რომ არ მოხდა, ტიპმა თავზე გადაი*ვა. აი, ეხლაც არ ისვენებს, ვიღაცამ გაძუყნა, (მართლა არ გამხარებია, შემეცოდა) და ერთი საათი შემდეგ მოაფიქრდა – “უი, ეს მავანს ხომ არ დავაბრალო?!” და ახლა ამის დაბრალება არის *ლე – ბოროტობა…”, – ამბობს ლევან კვარაცხელია “ფეისბუქი”-ს პირდაპირ ეთერში ჩართვისას.
შსს- ის ინფორმაციით, მომხდარზე გამოძიება 126-ე მუხლით დაიწყო, რაც ჯგუფურად განზრახ ჩადენილ დანაშაულს გულისხმობს.