დიზაინერ გიორგი მასხულიას ინფორმაციით, გუშინ ღამით კლუბში „ოთახი“ სამი პიროვნება თავს დაესხა და ფიზიკურად სასტიკად გაუსწორდა.
გიორგი მასხულია თავდამსხმელების დაკავებას და დასჯას ითხოვს. დიზაინერი ამ დროისთვის საავადმყოფოში იმყოფება.
“კლუბ „ოთახში“, ახვლედიანის # 6-ში, თავს დამესხა სამი ადამიანი და პოლიცია არ რეაგირებს. სასწრაფოდ სამივე მომიყვანეთ და დაიჭირეთ. „ჰელსიკორის“ საავადმყოფოში ვარ.
ვატარებ კონკურსებს, ვემსახურები საქართველოს კულტურას და თავს მესხმიან, ამის ღირსი არ ვარ“, – ამბობს გიორგი მასხულია ვიდეომიმართვაში, რომელსაც სოციალურ ქსელში თავად ავრცელებს.
ამასთან, დიზიანერი “ფეისბუქი”-ს პირად გვერდზე გავრცელებულ პოსტში მის მიმართ განხორციელებულ ძალადობაში რობერტო მავანს სდებს ბრალს. მასხულია საზოგადოებას დახმარების თხოვნით მიმართავს:
“არ გეგონოთ ვინმეს თავს გახვევდეთ რამეს უბრალოდ მინდა გვერდით დამიდგეთ, სამი ადამიანი მირტყამდა გამეტებით კლუბ ოთახთან დაცვაც ეხმარებოდა, და ესე მითხრეს ეს მავანისგანო, რა დავუშავე ამ კაცს 5 წელია მეტი, რაც ჟურნალისტურ დევნას ახორციელებს ჩემზე სამართალი არ არსებობს. რა უნდა ჩემგან ამ ადამიანს? რას მერჩის? მიიღეთ ზომები დამიდექით გვერდით გთხოვთ ხალხნო, ნუთუ არ დაიღალეთ ხალხის ბულინგით? ცემით? მკვლელობით? მაინცდამაინც თავი მოვიკლა ამ ადამიანის გამო გთხოვთ დამიდექით გვერდით”, – წერს მასხულია სოციალურ ქსელში.