მარნეულის ბაზარში 27 წლის საჰიბ ბაირამოვის საქმე – კრიმინალური ავტორიტეტი ფოლად ომაროვი, ე.წ “ფოლად დმანისკი” განცხადებას ავრცელებს.
წარმოშობით დმანისელი “კანონიერი ქურდის” მიმართვას Aktual.ge-ის ინფორმაციით, სოციალურ ქსელში სამოქალაქო აქტივისტი ელმარ ჰასანლი ავრცელებს.
ელმარ ჰასანლის განცხადებით, როგორც კი შეკვეთილი მკვლელობის საქმეში ფოლად ომაროვის სახელი გაჟღერდა, ის დაუკავშირდა მის ადვოკატს, რომელიც აშშ-ში იმყოფება და სთხოვა მომხდართან დაკავშირებით განმარტება გაეკეთებინა.
ირკვევა, რომ “კრიმონალური ავტორიტეტი” ამჟამად აშშ-ში, სასჯელაღსრულების დაწესებულებაში იხდის სასჯელს.
მომხდარი შემთხვევის შედეგად დაღუპული ახალგაზრდა ღმერთმა აცხონოს, ხოლო მის ოჯახსა და ახლობლებს მოთმინებას ვუსურვებ. ამჟამად აშშ-ში, სასჯელაღსრულების დაწესებულებაში ვიხდი სასჯელს. არავისთან პირადი მტრობა არ მაქვს. ჩემი სახელის ამ საქმეში მოხსენიებას კატეგორიულად ვგმობ და ვუწოდებ უსამართლობას. ამ განცხადებას ვაკეთებ ჩემი თანამემამულეებისადმი პატივისცემისა და პასუხისმგებლობის გრძნობიდან გამომდინარე. ბორჩალოში მცხოვრები ჩვენი თანამემამულეები ჩემთვის ძალიან ძვირფასნი არიან, რადგან აღნიშნული ქვეყანა არის ჩემი სამშობლო. რამდენადაც მიყვარს ჩემი სამშობლო, იმდენად დიდ პატივს ვცემ მის ხალხსაც. სასჯელის დასრულების შემდეგ ჩემი ყველაზე დიდი სურვილია საქართველოში დაბრუნება.“- წერია გავრცელებულ განაცხადებაში.
შეგახსენებთ, რომ მარნეულში, ბაზრის ტერიტორიაზე, ოქროს მაღაზიაში ცეცხლსასროლი იარაღით დაჭრილი ორი ადამიანიდან ერთი, საჰიბ ბაირამოვი საავადმყოფოში დაიღუპა. დღეს კი შსს-მ მომხდარზე განზრახ მკვლელობის მცდელობისა და ცეცხლსასროლი იარაღის უკანონო შეძენა-შენახვა-ტარების ბრალდებით – 2002 წელს დაბადებული პირი სასაზღვრო სექტორ “კარწახის” ტერიტორიაზე დააკავა.
ცნობისთვვის საჰიბ ბაირამოვის ოჯახი ღიად საუბრობდა შეკვეთილ მკვლელობაზე, ბიზნესრეკეტსა და სავარაუდო მფარველობაზე.
ბაირამოვების თქმით, ტრაგედიას წინ სისტემური მუქარა და დაშინება უძღოდა. მათივე ინფორმაციით, ოჯახს უკავშირდებოდნენ უცნობები, რომლებიც თავს „კანონიერი ქურდების“ სახელით აცნობდნენ და ოქროთი ვაჭრობის ბიზნესში წილის დათმობას ითხოვდნენ.