ყველა მირტყამდა სამართველოში აფსოლუტურად ყველა ვისაც არ დაეზარა ჩემს სისხლში მედო თავი და ბორკილებიტ მქონდა უკან ხელები შეკრული – ლუკა თოფჩიშვილი

გორში 20 წლის ახალგაზრდა 15-მდე პოლიციელს ფიზიკურ ძალადობაში ადანაშაულებს.
“ყველა მირტყამდა სამმართველოში აბსოლუტურად ყველა, ვისაც არ დაეზარა, ემატებოდა და ემატებოდა. ჩემ სისხლში მედო თავი და ბორკილებით მქონდა უკან ხელები შეკრული” – ამბობს 20 წლის ლუკა თოფჩიშვილი ტელეკომპანია თრიალეთთან ინტერვიუში.
თოფჩიშვილი გორის პოლიციას ძალადობაში ადანაშაულებს. შემთხვევა 3 იანვარს მოხდა.
შსს-ს მტკიცებით კი, არაფხიზელ მდგომარეობაში მყოფმა თოფჩიშვილმა სამსახურებრივი მოვალეობის შესრულებაში სამართალდამცველებს ხელი შეუშალა – ერთს სახეში მუშტი დაარტყა და მეორეს ცემა სცადა. 20 წლის ახალგაზრდა სამსახურებრივი მოვალეობის შესრულების დროს, სამართალდამცველის მიმართ ძალადობით განხორციელებული წინააღმდეგობის ფაქტზე, სისხლის სამართლის კოდექსის 353-ე მუხლით დააკავეს.
გორის რაიონული სასამართლოს მოსამართლემ თოფჩიშვილს აღკვეთის ღონისძიების სახით 10 000-ლარიანი გირაო შეუფარდა.