“მოკლული მასწავლებლის გიგა ავალიანის დედა ხალხს მოუწოდებს, სთხოვს 8 იანვარს 16:00 საათზე დადექით მთავარ პროკურატურასთან ჩემთან ერთად, ვიბრძოლოთ ყველამ ერთად” – ეკა კუპატაძე
“პროკურატურას მივეცით გონივრული ვადა 8 იანვრამდე, მაგრამ არ გადადგმულა არცერთი ქმედითი ნაბიჯი. ის თვალთმაქცური წინადადება, რომ თითქოს, პროკურატურა მზად იყო ოჯახთან შესახვედრად, არის სრული აფიორა. პროკურატურას მივმართავ – თქვენ იცით, რომ გიგა ავალიანი მოკლეს წინასწარი განზრახვით და მოკლეს ჯგუფურად. ვიდრე ამას არ აღიარებთ და ვიდრე ყველა დამნაშავე არ დაჯდება საბრალდებო სკამზე არ გავჩერდები. მივმართავ საქართველოს მოსახლეობას, თქვენი თანადგომა უმნიშვნელოვანესია. 8 იანვარს 16:00 საათზე დადექით მთავარ პროკურატურასთან ჩემთან ერთად, ვიბრძოლოთ ყველამ ერთად. დედებო, მამებო, ძალიან გთხოვთ გაიხადეთ ის პიჯაკი, რომელიც გაცვიათ თანამდებობისთვის და ჩემთან მოდით როგორც დედა და როგორც მამა. სიცოცხლე ჩვენი შვილების არ არის უბრალო, როგორც ეს ჰგონიათ ლუკა გამყრელიძეებს. დავიცვათ ჩვენი შვილების ღირსება და სიცოცხლე. ჩვენ ჩავრთეთ საზღვარგარეთიდან ექიმები, საქართველოდანაც გიგას სიცოცხლის გადასარჩენად. ვიცოდით, რომ გიგა ვერ გადარჩებოდა, მაგრამ კლინიკამ და ექიმმა როგორც კი გაანალიზა, რომ თვითონაც დააშავა და 4,5 საათის შემდეგ ჩაუტარდა გიგას ოპერაცია, მან დაიწყო საკუთარ თავზე ფიქრი და საქმის მასალების გაყალბება. ყველაფერს გამოვიძიებ. დაიწყო უკვე თვითგადარჩენაზე ზრუნვა და გიგას ყველა დაზიანება არ არის აღწერილი, რომ თითქოს, გიგას მხოლოდ 1 დარტყმა ჰქონდა და თითქოს, არ ეტყობოდა ძალადობის კვალი. იმისთვის, რომ შეენიღბა თავი, არ აღწერა გიგას დაზიანებები. თითქოს, არაფერი ეტყობოდა და ამიტომ ეგონა ნარკოტიკული თრობა. ჩემი შვილი სიგარეტს არ ეწეოდა ნარკოტიკს მიიღებდა? 4 დაკავებულიდან არცერთი არ არის სწორი მუხლით დაკავებული[TV პირველი]”- ამბობს მოკლული მასწავლებლის, გიგა ავალიანის დედა, ეკა კუპატაძე.