დედოფლისწყაროში ხანძარს 57 წლის მამაკაცი ემსხვერპლა. შემთხვევა ცოტა ხნის წინ, ალადაშვილის ქუჩაზე, საცხოვრებელ სახლში მოხდა.
სახლის მეორე სართულზე მყოფი კაცი ცეცხლში ჩაიწვა.
ადგილზე მობილიზებულმა სახანძრო- სამაშველო სამსახურმა აალებული შენობიდან უსაფრთხოდ გაიყვანა გარდაცვლილის ასაკოვანი დედა, რომელიც პირველ სართულზე იმყოფებოდა.
მომხდარ ფაქტზე გამოძიება სისხლის სამართლის კოდექსის 188-ე მუხლით დაიწყო, რაც სხვისი ნივთის განზრახ დაზიანებას ან განადგურებას, მათ შორის ცეცხლის, აფეთქების ან სხვა საყოველთაოდ საშიში საშუალების გამოყენებით გულისხმობს.