მარნეულში მოკლული 27 წლის ბიჭის მამა ამბობს, რომ შვილი სავარაუდოდ ფულის გამო მოუკლეს.
ბაირამოვების ოჯახში აცხადებენ, რომ შეიარაღებულ თავდასხმამდე რამდენიმე დღით ადრე, მათ ე.წ. კანონიერი ქურდის, “ფოლადას” სახელით უკავშირდებოდნენ და თანხის გადახდას ითხოვდნენ.
“მან ბევრჯერ ისროლა და გადავეფარე ჩემს შვილს, მაგ დროს შემობრუნდა მეც მესროლა და ამის მერე გაიქცა. არ ვიცი, ზუსტად რამდენჯერ გაისროლა, მაგრამ ბევრჯერ გაისროლა. აქედან შევიდა ტყვია და მეორე მხარეს გამოვიდა. არც ფული უთხოვია იმ წუთას და არც არაფერი. მანამდე ჰქონდათ ჩემთან და ჩემი ოჯახის სხვა წევრებთან მიმოწერები. მუქარის წერილებს გვიგზავნიდნენ თითქოს ე.წ. კანონიერ ქურდებისგან გვწერდნენ და ფულს გვთხოვდნენ. მაგ მიმოწერის შემდეგ ჩვენ ნომრები შევცვალეთ. გვეგონა, თავს დაგვანებებდნენ, მაგრამ გუშინ ეს მოხდა. ამ ადამიანს ჩვენ არ ვიცნობდით ვინც იარაღით მოგვივარდა. ნიღაბიც კი არ ეკეთა, ქუდი ეხურა მხოლოდ. ჩვენ ამ ყველაფერს ფულის გამოძალვას ვუკავშირებთ, რადგან იყო შემოთვლები რომ ვიღაცისთვის ჩემი ბიზნესიდან ფული უნდა მიმეცა” – [TV პირველი]” | ამბობს მარნეულში მოკლული 27 წლის კაცის მამა.
ადგილობრივი მედია Aktual ge მარნეულის ბაზარში მომხდარ მკვლელობამდე ვიდეოსათვალთვალო კამერების ჩანაწერს ავრცელებს, სადაც შეიარაღებული პირის გადაადგილება ჩანს. მკვლელობა 4 იანვარს მოხდა. ცეცხლსასროლი იარაღიდან მამა-შვილს ესროლეს. შვილი საავადმყოფოში დაიღუპა, მამა კი დაჭრილია. შსს-მ გამოძიება სისხლის სამართლის კოდექსის 19-109-ე მუხლით, რაც დამამძიმებელ გარემოებაში განზრახ მკვლელობის მცდელობას გულისხმობს. შსს-ს არ გაუვრცელებია ინფორმაცია, დააკავეს თუ არა მკვლელობაში ბრალდებული.