“გორში 20 წლის ახალგაზრდა 15-მდე პოლიციელს ფიზიკურ ძალადობაში ადანაშაულებს” – Tv პირველი

“გორში 20 წლის ახალგაზრდა 15-მდე პოლიციელს ფიზიკურ ძალადობაში ადანაშაულებს – ბიჭი ამ დრომდე კლინიკაში იმყოფება. ლუკა თოფჩიშვილის მისი მდგომარეობა მძიმეა. ინციდენტი 3 იანვარს მოხდა. ოჯახის წევრის ცნობით, პოლიციაში ამბობენ, რომ დაპირისპირება ახალგაზრდებს შორის მოხდა, რის შემდეგადაც ადგილზე გამოიძახეს”- ინფორმაციას TV პირველი ავრცელებს.
“შუადღის 2 საათიდან საღამოს 8 საათამდე ვეძებდით, ვერსად ვიპოვეთ. არავინ ინფორმაცია არ იცოდა. საღამოს 8 საათზე პოლიციამ დაგვირეკა და გვითხრა, რომ ჰყავდათ დაკავებული. 1 საათზე მეტი დრო გავიდა და ჩამოიყვანა ორმა პოლიციელმა, გარშემო ალყა ჰქონდათ შემორტყმული პოლიციელებს. დავინახე ბავშვი და თავი გვერდზე გადაუვარდა. სახესა და ხელებზე ჰქონდა დაზიანებები და დავრეკე სასწრაფოში. ყბა აქვს გატეხილი, ტვინის შერყევა აქვს, თავის ქალა გატეხილი აქვს, დაზიანებები აქვს სახეზე, ხელებზე. ძალიან მძიმედ არის ნაცემი პოლიციისგან. პოლიცია იძახის დაზიანებებზე, ძმაკაცებთან ერთად იყო, იქეიფეს და თვითონ ძმაკაცებთან მოუხდა ჩხუბიო და ძმაკაცებმა სცემესო და ერთ-ერთმა ძმაკაცმა დარეკა ჩვენთან და ითხოვეს შველა, რომ ერთმანეთი არ დაეხოცათო. ეს ყველაფერი აბსურდი და ტყუილია. პოლიციის მოგონილია ყველაფერი | ამბობს TV პირველთან ახალგაზრდას ოჯახის წევრი.
“დასაწყისში ვინც აქტიურობდა, იმის ამოცნობა შეუძლია, ვინაიდან ასეთი სიტყვები მითხრა, კლინიკაში მოვინახულე ჩემი დაცვის ქვეშ მყოფი, ბოლოს იმდენად ვეღარ ვუძლებდი ამ დარტყმებს, რომ მაქსიმალურად ვცდილობდი, პარკეტზე თავი დამერტყა და გავთიშულიყავიო. ყველას ვერ ამოიცნობს, მაგრამ მთავარი ვინც არის, იმას ამოიცნობს. შესაბამის ორგანოსაც მივმართეთ, თუ ამ ყველაფერს ამ ქვეყანაში აქვს კიდევ მნიშვნელობა, ველოდებით მაქსიმალურად სწორ რეაგირებას მათი მხრიდან. ჩემი დაცვის ქვეშ მყოფი იმყოფებოდა “ტერასაზე” გორში. იქიდან გამოსულები მისი მეგობარი, რომელიც ნასვამი იყო, გარკვეულ კონფლიქტში შევიდა სამართალდამცველებთან. სამართალდამცველებმა ჩემი დაცვის ქვეშ მყოფის მეგობარი ჩატენეს მანქანაში, დაუწყეს მანქანაშივე ხელების რტყმა. ამაზე ჩემმა დაცვის ქვეშ მყოფმა პროტესტი გამოხატა, თუმცა იქ დასრულდა შელაპარაკება. როგორც კი რამდენიმე მეტრი გაიარა ჩემი დაცვის ქვეშ მყოფმა, დაახლოებით იუსტიციის ტერიტორიაზე, ის გააჩერა სამართალდამცველმა, სცემა, შემდეგ რამდენიმე გადმოვიდა, იქაც გააგრძელეს მისი ცემა. ცემის ეპიზოდი რამდენიმეა, იქაც სცემეს, განყოფილებაშიც სცემეს. ჯერჯერობით ნებართვა არ აქვთ სამართალდამცველებს, რომ მისი გადაყვანა მოხდეს დროებითი დაკავების იზოლატორში” – ამბობს თოფჩიშვილის ადვოკატი.