პოლიტოლოგი გია ხუხაშვილი სოციალურ ქსელში ვენესუელის პრეზიდენტი, ნიკოლას მადუროს დაკავებას ეხმიანება.
“მადუროს ისტორიაში ერთი ასპექტია საყურადღებო:
რეალურად რეჟიმების “მხარდაჭერა” ხალხში არის ნულოვანი და მხოლოდ ვირტუალურ პროპაგანდისტულ ნარატივზე აგებულ ძალის დემონსტრირების შიშს ემყარება.
ანუ, უმრავლესობას რომელსაც ეჯავრება ხელისუფლება, პროპაგანდის გამო გონია, რომ არის უმცირესობაში და ამიტომ არის ჩუმად.
როგორც კი რეჟიმი ემხობა, ყველა არის ბედნიერი.
ასეა იყო სადამ ჰუსეინის შემთხვევაში, ასეა მადუროს შემთხვევაში, ასე იქნება ალი ხამენეის შემთხვევაში…
სია თქვენ გააგრძელეთ…”- წერს გია ხუხაშვილი.
ცნობისთვის, რამდენიმე საათის წინ სოციალურ ქსელში გავრცელდა ვიდეოები, რომელთა მიხედვითაც, ამერიკის შეერთებულმა შტატებმა ვენესუელის დედაქალაქ კარაკასზე ვერტმფრენებით საჰაერო იერიშები მიიტანა.
მოგვიანებით ცნობილი გახდა, რომ ნიკოლას მადუროსა და მის მეუღლეს, სილია ფლორესს, ნიუ-იორკის სამხრეთის ოლქში ბრალი წაუყენეს. ნიკოლას მადუროს ბრალი წაუყენეს ნარკო-ტერორიზმის შეთქმულებაში, კოკაინის იმპორტის შეთქმულებაში, იარაღის შენახვისა და ფლობის შეთქმულებაში. როგორც აშშ-ის გენერალურმა პროკურორმა, პემ ბონდიმ განაცხადა, ისინი მალე ამერიკის ტერიტორიაზე, ამერიკულ სასამართლოებში, ამერიკული მართლმსაჯულების სრულ სიმკაცრეს იგრძნობენ.