მსახიობი ეკა ჩხეიძე ტელეკომპანია “ფორმულა”-ზე რამდენიმე თვის განმავლობაში გადაცემის “ყვითელი ყუთი“ წამყვანი გახლდათ. ახალი წლის შემდეგ, არხზე განხორციელებული რეორგანიზაციის შემდეგ, სხვა რამდენიმე გადაცემასთან ერთად, “ყვითელი ყუთიც“ დაიხურა.
მსახიობს აღნიშნულ ტელეკომპანიაში მუშაობის გამო საზოგადოების გარკვეული ნაწილი აკრიტიკებდა. ეკა ჩხეიძე წერს, რომ გულნატკენი და იმედგაცრუებულია. მან ერთ-ერთი გავლენიანი პიროვნების ნათქვამიც გაიხსენა და მიმართა:
“ძალიან გულნატკენი ვარ, გულაცრუებულიც და მინდა გაგიზიაროთ.
თქვენი აზრით, თუ ნაცი არ ვარ, ქოცი ვარ, ან თუ ქოცი არ ვარ, აუცილებლად ნაცებს ვეთაყვანები? არ შეიძლება, ჩემი საქმე ვაკეთო ისე, რომ არცერთ პოლიტიკურ პარტიას არ ვეკუთვნოდე?
გუშინ, ერთმა საკმაოდ გავლენიანმა პიროვნებამ მითხრა: ,,ფორმულას გამო, მაგარ შარში ხარ”-ო!
მინდა ამ ადამიანს ვუპასუხო:
1- მე ვარ მსახიობი და საარსებოდ მჭირდება შემოსავალი (თეატრის ხელფასზე 1 თვეც არ გამყოფოთ ღმერთმა).
დიდი მადლობა წამყვანობის გამოცდილებისთვის ჩემს დამსაქმებელს, მითუმეტეს, ,,გაყინული თეატრების” პერიოდში ეს ჩემთვის ძალიან დროული და საჭირო იყო.( გაჩერება მსახიობისთვის მომაკვდინებელია).
2 – ფორმულაზე მიმყავდა ,,ყვითელი ყუთი” და არა პოლიტიკური თოქ-შოუ. (თუმცა, დღეს ფორმულაზე აღარ ვმუშაობ, მაგრამ ეს ცალკე თემაა)…
3 – პოლიტიკა არასოდეს ყოფილა ჩემი ინტერესის სფერო, პოლიტიკაზე კამათის უფლებასაც არ ვაძლევ საკუთარ თავს, იმიტომ, რომ არ არის ეს ჩემი საქმე და ვერც ვერკვევი!
მეტსაც გეტყვით, მეზიზღება მიტინგები – გადაკეტილი ქუჩები, ხმაური და შარდის სუნით აყროლებული მიმდებარე სადარბაზოები, საშინელ დისკომფორტს გვიქმნის იმ ტერიტორიაზე მაცხოვრებლებს, მენდეთ.
ალბათ სჯობს, თუნდაც არქიტექტორმა ხაზოს პროექტები ისე, რომ მისთვის არ ჰქონდეს მნიშვნელობა დამკვეთის პოლიტიკურ ორიენტაციას!!!
რეჟისორმა დადგას სპექტაკლები! დიახ, რეჟისორმა!!!
პოლიტიკოსები მიხედავენ თავის საქმეს,ზოგი ცუდად,ზოგი – უკეთესად (ყველგან მარტო ცუდი, ან მარტო კარგი არ არსებობს).
მეც შევეცდები განვაგრძო ცხოვრება, ჩემი საქმე ვაკეთო და დაგიმტკიცოთ,რომ
არ ვარ შარში!!!
P.S. რამდენიმემ ისიც მითხრა: შენს გადაცემას ვერ ვუყურებ, ნაცების ტვ-ს ვერ ვიტანო!
მათაც დიდი მადლობა გულშემატკივრობისთვის.
(არ მეგონა, კლარა ცეტკინი და როზა ლუქსენბურგი თუ მყავდა მეგობრებში)”, – წერს ჩხეიძე “ფეისბუქი” – ს პირად გვერდზე.