მისი თქმით, ამის გამო სამშვიდობო მოლაპარაკებებზე მოსკოვის პოზიცია შეიცვლება.
ლავროვის რწმუნებით, უკრაინამ შეტევა შორ მანძილზე მოქმედი 91 დრონით სცადა, რომლებიც რუსეთის საჰაერო თავდაცვის ძალებმა სრულად გაანადგურეს.
„ასეთი უგუნური ქმედებები უპასუხოდ არ დარჩება“, — განაცხადა ლავროვმა და დასძინა, რომ ეს თავდასხმა „სახელმწიფო ტერორიზმს“ უდრის.
ლავროვი იმუქრება, რომ რუსეთის შეიარაღებულმა ძალებმა საპასუხო დარტყმებისთვის სამიზნეები უკვე შეარჩიეს.
ლავროვმა აღნიშნა, რომ თავდასხმა უკრაინის შესაძლო სამშვიდობო შეთანხმების შესახებ მოლაპარაკებების პარალელურად მოხდა და მიუხედავად იმისა, რომ რუსეთი მოლაპარაკებებს არ ტოვებს, მოსკოვის პოზიცია გადაიხედება.
უკრაინის პრეზიდენტმა, ვოლოდიმირ ზელენსკიმ ამ ბრალდებას სიცრუე უწოდა და დასძინა, რომ მოსკოვი ამით ამზადებს ნიადაგს კიევში სამთავრობო შენობებზე დასარტყმელად.