ახლა გვეუბნებიან რომ მკვლელობებს უკვეთავდა კაცი, რომელსაც საიდუმლო დოკუმენტაციასთან ჰქონდა წვდომა – ამის შესახებ ტელეწამყვანი ნანუკა ჟორჟოლიანი სოციალურ ქსელში წერს, რითიც საქართველოს ყოფილი მთავარი პროკურორის, ოთარ ფარცხალაძისთვის ბრალის წაყენებას გამოეხმაურა.
“ქართულმა ოცნებამ, საკუთარ გენერალურ პროკურორს (ყოფილს) , ბრალი წაუყენა შეკვეთილ მკვლელობაზე.
ანუ გესმით?
ყოფილ პრემიერს მილიონების მოპარვას ედავებიან.
სუსის ყოფილ უფროსს ქოლ ცენტრებით ფულის კეთებას. ევროპელ მოხუცებს ძარცვავდაო.
ყოფილ თავდაცვის მინისტრს ფულის მოპარვას.
ინფრასტრუქტურას მილიონების მოპარვას.
ახლა გვეუბნებიან რომ მკვლელობებს უკვეთავდა კაცი, რომელიც ერთ-ერთი პირველი ძალოვანი იყო.
კაცი, რომელსაც საიდუმლო დოკუმენტაციასთან ჰქონდა წვდომა. როგორც ამბობენ რუსებს ნაომარი ბიჭების ვინაობებიც კი გადასცა.
და ეს ხალხი ახერხებს ხელისუფლებაში ყოფნას”
ცნობისთვის, ყოფილ მთავარ პროკურორს ოთარ ფარცხალაძეს ლევან ჯანგველაძის მკვლელობის საქმეზე ბრალი წარედგინება.