მომღერალი თემურ თათარაშვილი ე.წ. პიჯაკების საქმის მოსამართლე, ბადრი კოჭლამაზაშვილს სოციალური ქსელის მეშვეობით მიმართავს:
“მივმართავ მოსამართლე ბადრი კოჭლამაზაშვილს, მე რატომ არ მამღერეთ ჩემს სასამართლო პროცესზე, რატომ?”, – წერს თათარაშვილი “ფეისბუქი”-ს პირად გვერდზე.
მსჯავრდებულმა ექს-პრეზიდენტმა მიხეილ სააკაშვილმა თბილისის საქალაქო სასამართლოში მიმდინარე პროცესზე უკრაინის ეროვნული ჰიმნი შეასრულა, დარბაზში ისმოდა ჰიმნის აუდიოჩანაწერი.
ამასთან, მიხეილ სააკაშვილმა უკრაინის დროშა გაშალა, რომელიც, მისი თქმით, უკრაინელმა დეპუტატებმა გამოუგზავნეს.
„სლავა უკრაინე! გეროემ სლავა“, – თქვა სააკაშვილმა ჰიმნის დასრულების შემდეგ. მის შეძახილს დარბაზში მსხდომი ადვოკატები და მხარდამჭერებიც შეუერთდნენ.
“კარგით, ეს პერფორმანსიც შედგა, მოვრჩით? დავიწყოთ მაშინ”, – აღნიშნა მოსამართლე ბადრი კოჭლამაზაშვილმა.