დერმატო-ვენეროლიგი ზაზა თელია სოციალურ ქსელში წერს, რომ Facebook-ის საკუთარ ანგარიშს აუქმებს. როგორც ის აღნიშნავს, რთული იყო ამ გადაწყვეტილების მიღება.
“საკუთარ ფეისბუქ გვერდს ვაუქმებ ამ ეტაპზე, რთულია ამ გადაწყვეტილების მიღება, ალბათ მისახვედრია ჩემი გადაწყვეტილების მიზეზი…ჩემს პაციენტებს ვთხოვ კომუნიკაცია გქონდეთ ვაიბერის და ვოთსაფის საშუალებით.მოგეხსენებათ, ამ ქვეყანაში უამრავ ადამიანს უჭირს და სჭირდება დახმარება.
ამ 3 წლის განმავლობაში უამრავი უფასო კონსულტაციის გაწევა შევძელი, რითაც ვფიქრობ ძალიან ბევრი ადამიანის ჯანმრთელობის მდგომარეობა გამოსწორდა. სამწუხაროდ, ამას ვეღარ შევძლებ მომავალში, დავეხმარო იმ ადამიანებს, ვისაც ეს ნამდვილად სჭირდებათ…
ჯანმრთელობას გისურვებთ!
დამითმია ბურთი და მოედანი “ბლოგერებისთვის” – იმედი მაქვს ღირებულს და პროდუქტიულს შექმნიან რამეს”, – დაწერა ზაზა თელიამ “ფეისბუქი”-ს პირად გვერდზე.
ზაზა თელიას მიერ მიღებული გადაწყვეტილება, სავარაუდოდ, მის მიმართ სოციალურ ქსელში გამოხატულ ქილიკს უკავშირდება, რომელიც მას შემდეგ დაიწყო, რაც მან თმის ცვენასთან დაკავშირებული რჩევები გასცა.