უკრაინის პრეზიდენტი ვოლოდიმირ ზელენსკი ომის დასრულებასთან დაკავშირებით განცხადებას ავრცელებს.
მისი თქმით, ამერიკას ნამდვილად სურს ომის დასრულება და უკრაინა ამისათვის სრულ მზაობას აცხადებს.
„უკრაინა არასდროს ყოფილა და არც იქნება დაბრკოლება მშვიდობისთვის. აქტიურად ვმუშაობთ და ყველაფერს ვაკეთებთ იმისათვის, რომ დოკუმენტები იყოს და იყოს რეალური. მთავარია, რუსეთმა არ ჩაშალოს ეს დიპლომატია და 100%-ით სერიოზულად იყოს განწყობილი ომის დასრულების მიმართ“, – აღნიშნა ვოლოდიმირ ზელენსკიმ.
მისი თქმით, საჭიროა რუსეთზე ზეწოლის გაგრძელება, რათა მან უკრაინის წინააღმდეგ აგრესია შეწყვიტოს.
„მსოფლიოს აქვს ყველა ინსტრუმენტი იმის უზრუნველსაყოფად, რომ ზეწოლამ იმუშაოს, მშვიდობა დამყარდეს“, – აღნიშნა ზელენსკიმ.