იტალიაში საქართველოს მოქალაქე დააკავეს. ამის შესახებ ინფორმაციას ადგილობრივი მედია ავრცელებს.
მედიის ცნობით, გუშინ, 21 დეკემბერს, კვარტოში, ადგილობრივი განყოფილების კარაბინერებმა ბინაში შეჭრის მცდელობისას 50 წლის კაცი დააკავეს. გაქცევის მცდელობისას საქართველოს მოქალაქე კიბეებიდან გადმოვარდა, ის საავადმყოფოში გადაიყვანეს.
დაკავებულს დამამძიმებელ გარემოებაში ქურდობის მცდელობა და არალეგალური იმიგრაცია ედება ბრალად.