“უკვე საქართველოშიც დაიწყო პოსტკოვიდური ეპიდემია, მაგრამ ამაზე არავინ ლაპარაკობს, მეტ-ნაკლებად… მილიონზე მეტი ადამიანი დაინფიცირდა, ლოგიკურია, მინიმუმ 100 000-ზე მეტ ადამიანს პრობლემები დაეწყება”, – ამის შესახებ “აკრედიტაცია საზღვრების გარეშე” პრეზიდენტმა, პროფესორმა გიორგი ფხაკაძე “ფეისბუქი”-ს პირდაპირ ეთერში ჩართვისას განაცხადა.
ამასთან, ფხაკაძე ამბობს, რომ “ომიკრონი” პანდემიას არ ასრულებს, მისი თქმით, დაახლოებით სამ თვეში ვირუსის ახალი ვარიანტები გამოჩნდება.
“რაც შეეხება ახალ ვარიანტებს, დიახ, ვირუსის ახალი ვარიანტები დაახლოებით სამ თვეში იქნება, თუმცა, სად გამოჩნდება, ეს არავინ იცის. სამწუხაროდ, “ომიკრონი” დასასრულის დასაწყისი ნამდვილად არ არის. “ომიკრონი” შედარებით მსუბუქია, მაგრამ არ დაგავიწყდეთ, ეს არის კოვიდი, გახსოვდეთ გრიპი არ არის. კოვიდს ახასიათებს ერთ-ერთი ყველაზე დიდი ვერაგობა – პოსტკოვიდი, ეს ამბავი გაითვალისწინეთ! საშინელებაა რასაც ტოვებს…”, – განაცხადა ფხაკაძემ.
https://mix.metronome.ge/25768-2/