“აკრედიტაცია საზღვრების გარეშე” პრეზიდენტმა, პროფესორმა გიორგი ფხაკაძე “ფეისბუქი”-ს პირდაპირ ეთერში ჩართვისას თქვა, რომ ჟურნალისტ ვახო სანაიაზე ნაწყენია, მიზეზი კი ტელეწამყვანის მიერ დაწერილი ერთ-ერთი პოსტი გახლავთ.
“ვახო სანაია ძალიან კარგი ჟურნალისტია, თუმცა, ძალიან მეწყინა უაზრო პოსტი რომ დაწერა. რაო, ფხაკაძე, ნარკომანებად უნდა გადაგვაქციოვო? – ნარკომანები უბანში მოიკითხეთ. ვაქცინაცია სულ სხვა რაღაც არის…. ჟურნალისტებისგან უფრო სხვანაირ კომენტარებს ველი. როცა უაზრო, დეგენერატი ჟურნალისტია, იმაზე კომენტარი არ მაქვს და როცა პატივს სცემ ჟურნალისტს და ასეთ რაღაცას იღებ, უბრალოდ საწყენია… მართლა ძალიან მეწყინა, იმიტომ, რომ დიდ პატივს ვცემ ვახო სანაიას”, – ამბობს ფხაკაძე.
„ბოლოს გავნარკომანდებით ყველანი“,- ასე გამოეხმა ვახო სანაია გიორგი ფხაკაძის იმ განცხადებას, რომლის თანახმად, – “ორჯერ აცრილი ადამიანი კოვიდინფირების შემდეგ ხელახლა უნდა აიცრას სამჯერ.
კოვიდის დამთავრების შემდეგ უნდა აიცრათ სამჯერ.
როცა ორჯერ აცრილი ადამიანი დაინფიცირდება კოვიდით, 30 დღეში უნდა აიცრას პირველი დოზა ვაქცინით,შემდეგ – 28 დღეში მეორე დოზით და 3 თვეში – ბუსტერით”