შინაგან საქმეთა სამინისტროს აჭარის პოლიციის დეპარტამენტის თანამშრომლებმა, 1976 წელს დაბადებული წარსულში ნასამართლები რ.მ. ჯანმრთელობის განზრახ მძიმე დაზიანების ბრალდებით ცხელ კვალზე დააკავეს.
ბრალდებულმა ბათუმში, ურთიერთშელაპარაკებისას, 2007 წელს დაბადებული მ.კ. დანის გამოყენებით დაჭრა და შემთხვევის ადგილიდან მიიმალა. დაშავებული სამედიცინო დახმარების გაწევის მიზნით კლინიკაში გადაიყვანეს.
სამართალდამცველებმა რ.მ. ბრალდებულის სახით დააკავეს.
როგორც ცნობილია, ჯანმრთელობის განზრახ მძიმე დაზიანების ფაქტზე გამოძიება სისხლის სამართლის კოდექსის 117-ე მუხლით მიმდინარეობს, რაც შვიდ წლამდე ვადით თავისუფლების აღკვეთას ითვალისწნებს.