“ბრიტანეთისგან ჩვენ ველოდებით BBC-ის რეპორტაჟის გამო ბოდიშის მოხდას. ხომ მეკითხებით რას ელოდებით და ამას ველოდებით. ბრიტანეთისგან რასაც ველოდებით, ის გითხარით. მნიშვნელოვანია სიმართლეს გაუსწორონ თვალები და ქართველი ხალხის ნება-სურვილს მოუსმინონ, რაც გულისხმობს საარჩევნო ურნებთან ხმის მიცემის შემდგომ ფორმირებულ ხელისუფლებას, რომელიც ქართველი ხალხის აზრსა და სურვილებს გამოხატავს და მას დაელაპარაკონ” – ამბობს “ქართული ოცნების” წევრი, დავით მათიკაშვილი.
დიდი ბრიტანეთის საგარეო, თანამეგობრობისა და განვითარების ოფისი ქართულ ოცნებას მოუწოდებს, რომ გაასაჯაროოს მათ მიერ ჩატარებული გამოძიების შედეგები დემონსტრანტების წინააღმდეგ შესაძლო ქიმიური იარაღის გამოყენებასთან დაკავშირებით. ამის შესახებ საგარეო ოფისმა ლორდი ჯორჯ ფოლკსის კითხვის საპასუხოდ განაცხადა: “ჩვენ მოვუწოდებთ საქართველოს მთავრობას, რომ გამოაქვეყნოს იმ გამოძიების შედეგები, რომელიც მათი განცხადებით, ჩაატარეს ამ ბრალდებებთან დაკავშირებით, კიდევ ერთხელ მოვუწოდებთ მათ, რომ დაიცვან შეკრების თავისუფლება და პასუხისმგებლობა დააკისრონ დემონსტრანტების წინააღმდეგ გადაჭარბებული ძალადობისთვის პასუხისმგებელ პირებს” – აცხადებენ დიდი ბრიტანეთის საგარეო, თანამეგობრობისა და განვითარების ოფისში.