ქუთაისში, ქვიტირთან, მძიმე ავტოსაგზაო შემთხვევა მოხდა – აღნიშნული ინფორმაცია “მეტრონომს” შსს- ში დაუდასტურეს.
არსებული ცნობით, შემთხვევის შედეგად ერთი ადამიანი ადგილზე დაიღუპა, ორი კი დაშავდა. დაშავებულები სასწრაფო სამედიცინო დახმარების ბრიგადებმა საავადმყოფოში გადაიყვანეს.
როგორც ირკვევა, ერთმანეთს ორი ავტომობილი შეეჯახა.
მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.